O sábado 29 de agosto Sarria celebra a Noite Meiga, unha das citas máis especiais e esperadas do verán na vila.

Lume, fachos, música, tradición e mitoloxía galega volverán encher Sarria nunha celebración profundamente ligada á súa identidade. A Noite Meiga reúne cada último sábado de agosto veciños e visitantes arredor dunha tradición que leva máis de medio século formando parte da memoria da vila.

Este 2026 será, ademais, unha edición especial, despois do recoñecemento da Noite Meiga como Festa de Interese Turístico de Galicia.

Unha noite de meigas, trasgos e tradición en Sarria

A celebración está vinculada á Asociación Cultural Meigas e Trasgos e ten como un dos seus momentos máis emblemáticos a Danza da Noite Meiga.

É unha desas noites nas que Sarria se transforma e nas que tradición, cultura e encontro se mesturan para despedir o mes de agosto dunha maneira moi nosa.

Pasada a medianoite, meigas e trasgos danzan con fachos arredor do lume mentres o conxuro procura afastar os malos agoiros e atraer a boa sorte para o ano.

A Noite Meiga tamén se celebra arredor da mesa

No Hotel Restaurante Roma 1930 queremos sumarnos un ano máis ao ambiente desta noite cun menú especial pensado para desfrutar da cea antes de continuar vivindo a Noite Meiga polas rúas de Sarria.

Menú Noite Meiga · 29 de agosto

Entrantes

• Cigaliñas vivas
• Ameixas babosa mediana en salsa vicenta
• Ensalada mixta: leituga, tomates, cebola, ovos campeiros, cecina Garrote Astorga e pementos do Bierzo asados

Principal

• Lombo de bacallau ao forno con verduriñas
• Año leiteiro con pataca redonda asada
• Redondo de tenreira galega suprema con patacas douradas e verduriñas

Para rematar

• Bóla de xeado de vainilla de Tahití con galleta de améndoa de rosa
• Café e chupito da casa

Prezos

2 pratos — 55 €
3 pratos — 75 €

Bebidas aparte.

E para quen queira levar a celebración á casa…

Tamén preparamos unha selección de pratos para levar:

• Cigaliñas vivas — 60 €/kg
• Ameixas babosa medianas en salsa vicenta — 38 €/kg
• Año leiteiro (6 kg) con pataca dourada e pemento piquillo — 160 €
• Redondo de tenreira con guarnición — 35 €/kg
• Lombo de bacallau ao forno — 20 €/ración

Con cada comida para levar vai incluído un postre caseiro.

Unha noite diferente para vivir Sarria

Para quen nos visita estes días, a Noite Meiga é tamén unha oportunidade magnífica para descubrir outra cara de Sarria máis alá do Camiño de Santiago: a dunha vila que conserva as súas tradicións e que continúa reuníndose arredor delas xeración tras xeración.

E para os que somos de aquí, é unha desas datas que xa forman parte do calendario sentimental do final do verán.

O 29 de agosto, antes de que cheguen as meigas, os trasgos, os fachos e o lume, no Roma 1930 poñemos a mesa.

Reservas e información:
982 53 22 11
ensarria@hotelroma1930.es
hotelroma1930.es/restaurante/reservas

Hotel Restaurante Roma 1930
Sarria · Lugo